Á árunum 1993 -1996 hrundi myndasöguiðnaðurinn næstum algerlega. Ástæða þess er að fréttir fóru að berastum sölur á gull og silfur aldar myndasögum sem seldust fyrir mörg þúsund bandaríkja dala, þrátt fyrir að hafa bara kostað nokkur sent þegar þau voru gefin út. Margir sáu þá augljóst og auðvelt tækifæri til að græða mikinn pening án allrar vinnu, þau þurftu bara þolinmæði og sáu fyrir sér geta selt blöðin fyrir háar upphæðir. Fólk keypti frá fimm til tíu eintök af hverju blaði ef það sá fyrir sér að það gæti orðið verðmætt, líkt og sagan „The Death of Superman“ sem seldist gríðarlega vel, ekki einungis vegna þess að þetta átti að vera síðasta Superman sagan heldur einnig vegna þess að í framtíðinni hlyti upprunnaleg útgáfa af síðustu sögu Superman seljast vel.

En það sem margir áttuðu sig ekki á var að þegar allir ættu svona mikið af blöðum misstu þau verðmætið sitt. Það sem gerði gömlu myndasögurnar svo verðmætar var hversu fáar af þeim voru til. Má þá nefna Action Comics 1 sem er fyrsta blað þar sem Superman kemur fram sem er verðmætasta myndasaga allra tíma. Til eru undir hundrað eintök enn í dag og seldist eitt eintak af því í fyrra á 3,2 miljónir dala eða 432 miljónir íslenskra króna.